Dárigerler Tarazdaǵy aialdamalardyń birinde bolǵan jol apatynda zardap shekkenderdiń jaǵdaiy týraly aitty, - dep habarlaidy Tengrinews.kz.
Dárigerlerdiń aitýynsha, 15 qyrkúiekte saǵat 7.00 shamasynda jedel járdem stantsiiasyna qońyraý túsken. Myńbulaq yqshamaýdanyndaǵy apattan zardap shekkenderge meditsinalyq kómek qajet bolǵan.
"Barlyǵy tórt adam jaraqat aldy. Olardyń bireýi reanimatsiiaǵa jatqyzyldy, qajetti em júrgizilip jatyr. Oǵan mi shaiqalýy, aiaǵynyń ortańǵy úshten bir bóliginiń jabyq synýy jáne oń jaqtaǵy tórtinshi jáne besinshi saýsaqtardyń ashyq synýy, bassúiek-tserebraldy jabyq jaraqaty diagnozy qoiylǵan.
Taǵy bir adamǵa alǵashqy meditsinalyq kómek kórsetildi. Onyń basy jaralanyp, miy shaiqalǵan. Oǵan emhanada ambýlatorlyq em qabyldaý usynyldy", - dedi Jambyl oblysynyń densaýlyq saqtaý basqarmasy ókilderi.
