Tarazda politsiia órt shyqqan kópqabatty úiden 60 adamdy evakýatsiialady, – dep habarlaidy «Ult aqparat» Polisia.kz-ke silteme jasap.
Taraz turǵyndary politseiler adamdardy órtten qutqarǵan beinerolikterdi jarysa jariialaýda. Kadrlardyń birinen politseidiń jaraqattanǵan aiaǵyna qaramastan úi turǵyndaryn evakýatsiialaýdy jalǵastyrǵanyn kórýge bolady.
“Ol aiaǵyn qaiyryp alýy múmkin”, “Aqsap turǵanyna qaramastan, ol janyp jatqan páterge júgirdi”, “Bárekeldi! Naǵyz jigit eken!”, kaznet paidalanýshylary ony madaqtap, ártúrli jyly sózder aitýda.
Belgili bolǵandai, órt shyqqan páterde kámeletke tolmaǵan bes bala men olardyń anasy bolǵan. Turǵyn úiden barlyǵy 60 adam evakýatsiialandy. 2024 jyldyń 13 mamyryna qaraǵan túni politsiia departamentiniń kezekshi bólimine qońyraý soqqan áiel adam kórshi páterde órt bastalǵanyn mazasyzdana habarlady.
Kórsetilgen mekenjai boiynsha jaqyn mańdaǵy patrýl jasaǵy kidirtpei jiberildi. Oqiǵa ornyna birinshi bolyp kelgen politsiia qyzmetkerleri qyzmettik kólikterden órt sóndirgish quraldardy alyp, órtke oranǵan páterge júgirdi.
Politseiler órt oshaǵyn joiyp, áieldi jáne onyń bes kámeletke tolmaǵan balasyn órtten alyp shyqty, olardyń eń kishisi nebári 2 jasta. Budan ári politsiia qyzmetkerleri jarylysty boldyrmaý úshin páterdegi gazdy jaýyp, osy úidiń kireberis páterlerindegi adamdardy evakýatsiialady.
Páter iesi Taraz qalasy PB PPB vzvodynyń komandiri Nurǵisa Tólenge, aǵa inspektor Samat Boshqaevqa , inspektorlar Eljas Bolatqa, Ádilet Toijigit pen Didar Nábievke balalarynyń ómirin saqtap qalǵany úshin óz alǵysyn bildirdi.
