Taraz qalasyndaǵy Ońtústik óńirdiń áskeri prokýratýrasy ǵimaratynyń qasbetinde eskertkish taqta ashyldy. Ol qyzmettik boryshyn atqarý kezinde qaza tapqan áskeri prokýror, ádilet polkovnigi Arman Qýanyshuly Qapezovtiń qurmetine arnalǵan, - dep habarlaidy "Ult aqparat" Bas prokýratýra saityna silteme jasap.
Vedomstvo málimetinshe, rásimdi Bas áskeri prokýror ádilet general-leitenanty Dastan Sartaev pen Arman Qýanyshulynyń anasy Dilda Qapezova ashqan.
"Arman Qýanyshuly adamdardy toptastyra biletin jáne áriptester arasynda qurmet pen bedelge ie edi. Ol mádenieti, erekshe aqyly jáne adamgershilik qasietterimen erekshelenetin. Armannyń jarqyn beinesi bizdiń júregimizde máńgi qalady", - dedi Dastan Sartaev.
Sonymen qatar, is-sharaǵa Bas prokýratýranyń Kadrlardy damytý departamentiniń bastyǵy Murat Tileýberdiev, Jambyl oblysynyń prokýrory Nurǵalym Ábdirov, oblys Ákiminiń orynbasary Rústem Dáýlet, áskeri jáne aýmaqtyq prokýrorlar, sondai-aq Arman Qapezovtiń týystary men jaqyndary qatysqan.
Olar memorialdyq taqtaǵa gúl shoqtaryn qoiyp, áriptesterin bir minýt únsizdikpen eske aldy.
Eske salaiyq, Jambyl oblysy Baizaq aýdanynda ornalasqan áskeri bólimde 26 tamyzda saǵat 19.00 shamasynda qoimalardyń biriniń janynda órt shyqqan. Órt saldarynan anyqtalmaǵan zattar jarylǵan.
Jarylystar saldarynan áskeri prokýror qaza tapqany habarlanǵan bolatyn. Onyń artynda tórt balasy qaldy.
