Sýret ashyq derekkózden alyndy
Taraz qalasy ákimdiginiń laýazymdy tulǵalaryna qatysty tergeý júrgizilip jatyr, - dep habarlaidy "Ult aqparat" Antikor baspasóz qyzmetine silteme jasap.
"Jambyl oblysynyń Sybailas jemqorlyqqa qarsy qyzmeti Taraz qalasy ákimdiginiń laýazymdy tulǵalaryna qatysty laýazymdyq ókilettikterdi teris paidalaný faktisi boiynsha qylmystyq isti tergep-tekserýde.
Tergeý nátijesinde 2021 jyly Taraz qalasynyń jer komissiiasynyń sheshimimen Taraz qalasynyń turǵynyna sharýa qojalyǵyn júrgizýge arnalǵan jer ýchaskesin jalpy aýdany 3,56 gektar bolatyn ǵimarattar men qurylystar salýǵa arnalǵan basqa 2 jer ýchaskesine óteýsiz aýystyrý júrgizilgeni anyqtaldy. Jer ýchaskelerin negizsiz aýystyrý nátijesinde memleketke 159 million teńge kóleminde zalal keltirildi", - delingen habarlamada.
Antikor málimeptinshe, tergeý barysynda Taraz qalasy Jer qatynastary bóliminiń burynǵy basshysy jáne atalǵan bólimniń burynǵy sektor meńgerýshisi ustalyp, Taraz qalasy sotynyń sanktsiiasymen qamaýǵa alynǵan.
Tergeý jalǵasyp jatyr.
Sonymen qatar, Sybailas jemqorlyqqa qarsy qyzmet pen oblys prokýrory jer ýchaskelerin sot tártibimen ielikten shyǵarý shartyn buzý týraly máselege bastamashylyq jasaǵan.
Máselen, 06.01.2023 jyly Jambyl oblysynyń Mamandandyrylǵan aýdanaralyq ekonomikalyq sotynyń sheshimimen jer ýchaskelerin ielikten shyǵarý týraly shart jaramsyz dep tanylyp, jer ýchaskeleri memlekettik menshikke qaitarylǵan.
Azamattardyń áleýmettik ál-aýqatyn odan ári qoldaý maqsatynda oblys ákimdigimen mektep pen kóppáterli turǵyn úi qurylysyna qaitarylǵan jer ýchaskesiniń egjei-tegjeili josparlanýyn túzetý týraly kelisimge qol jetkizilgen.
