Tanymal qazaqstandyq sportshy ári qoǵam belsendisi Ýalihan Ten Almaty qalasynyń ákimi Baqytjan Saǵyntaevtyń keńesshisi boldy, dep habarlaidy "Ult aqparat".
Ol sport boiynsha ákimniń shtatan tys keńesshisi boldy. Bul týraly onyń Instagram-daǵy paraqshasynda aityldy.
Ýalihan Ten, 1979 jyly týǵan. Tenniń eki joǵarǵy bilimi bar. Ol Energetika jáne bailanys institýtyn, sondai-aq Sport jáne týrizm Akademiiasyn bitirgen. Ten - paýerlifting boiynsha Álem, Eýropa jáne Aziia chempiony, bodibildingten QR chempiony, eki dúrkin Álem jáne Aziia chempiony, paýerlifting boiynsha Eýropa chempiony.
Qazirgi ýaqytta - World Class Almaty fitnes-klýbynyń basqarýshy direktory. Ol sonymen birge WRPF KZ paýerlifting federatsiiasynyń jáne WPC KZ-tiń prezidenti, WRPF-tiń Qazaqstandaǵy resmi ókili. 2018 jyldyń aiaǵynan bastap, MMA aralas jaýyngerlik jekpe-jek federatsiiasynyń bas direktory.
Sondai-aq, ol «Almaty Triathlon Federation» qoǵamdyq birlestiginiń jáne «Birinshi bolý batyldyq!» (Almaty marafony) korporotivtik qorynyń qamqorshylyq keńesteriniń múshesi.
2015 jyly sportshy kópjyldyq tájiribe negizinde «Drýgoi ty!» kitabyn jazdy, onda dene shynyqtyrý, tamaqtaný, kún tártibi jáne t.b. sabaqtar boiynsha usynystar jazylǵan.
