2021 jylǵy 1 tamyzdaǵy jaǵdai boiynsha 177,9 myń otbasyndaǵy 854,3 myń adamǵa ataýly áleýmettik kómek taǵaiyndaldy. Aǵymdaǵy jyly osy maqsattarǵa biýdjetten 122,8 mlrd teńge bólindi, dep habarlaidy "Ult aqparat" Eńbek jáne halyqty áleýmettik qoraýǵ ministrligine silteme jasap.
«AÁK otbasynyń árbir múshesine jan basyna shaqqandaǵy ortasha tabysy óńirlik eń tómengi kúnkóris deńgeiiniń 70%-ynan tómen azamattarǵa taǵaiyndalady.Budan basqa, AÁK kórsetýdiń jańa tetigin iske asyrý sheńberinde elimizdiń barlyq óńirinde tabysy az otbasylardyń mektep jasyna deiingi balalaryn kepildik berilgen áleýmettik toptamamen (budan ári – áleýmettik toptama) qamtamasyz etý boiynsha jumys júrgizilip jatyr», delingen habarlamada.
2021 jylǵy 1 tamyzda AÁK alýshylar qataryndaǵy 1 jastan 6 jasqa deiingi 216 myń bala azyq-túlik jáne turmystyq himiia jiyntyǵy túrinde áleýmettik toptama taǵaiyndaldy.
Esterińizge sala keteiik, AÁK alýshylarǵa TJ rejimi men karantin shekteý sharalarynyń qoldanylýyna bailanysty 2020 jylǵy II, III jáne IV toqsandarda, sondai-aq 2021 jylǵy I, II toqsandarda kómek taǵaiyndaý uzartyldy.
Qazirgi ýaqytta qazaqstandyqtar AÁK taǵaiyndaýǵa ótinishti turǵylyqty jeri boiynsha jumyspen qamtý ortalyǵynda, sondai-aq egov.kz elektrondy úkimet portaly arqyly bere alady.
