Foto: primeminister.kz
Eńbek jáne halyqty áleýmettik qorǵaý ministri Tamara Dúisenova Qazaqstanda nelikten jumys isteitin zeinetkerler kóp ekenin jáne zeinetke shyqqannan keiingi óziniń josparyn aitty, - dep habarlaidy Tengrinews.kz saity.
Senat otyrysy kýlýarynda jýrnalister ministrden Qazaqstanda jumys isteitin zeinetkerler sanynyń artýy nege bailanysty ekenin surady.
"Eńbek kodeksine sáikes, jumys berýshilerge eńbek shartyn jalǵastyrý nemese sol adamnyń jumys tájiribesine bailanysty jalǵastyrmaý týraly sheshim qabyldaýǵa múmkindik berdik. Kóptegen jumys berýshi bul jumysshylardy sol jalaqymen burynǵy kúiinde qaldyrady. Oǵan qosa, olar respýblikalyq biýdjet usynǵan zeinetaqy alady. Iá, keibir jaǵdailarda jumysyn jalǵastyrǵysy keletin adamdar bolýy múmkin, óitkeni bul olardyń otbasylyq biýdjeti úshin qajet. Iaǵni, biz jumysqa kedergi jasamaimyz. Bul - adamnyń tańdaýy", - dedi Tamara Dúisenova.
Ministr zeinetke shyqqannan keiingi josparyn aitty.
"Meniń tájiribem qajet bolsa, jumysty jalǵastyrar edim. Tájiribem qajet bolmasa, onda, árine, men de zeinetke shyǵamyn. Zeinetaqy alamyn", - dedi ol.
Aita keteiik, qazir Tamara Dúisenova 58 jasta.
