"Taliban" Aýǵanstandy baqylaýyna alǵannan keiingi alǵashqy juma namazda imamdardy el birligin saqtaý týraly ýaǵyz aitýǵa shaqyrdy, dep habarlaidy Azattyq.
19 tamyzda, Aýǵanstan Táýelsizdigi kúni birneshe qalada tálipter biligine qarsy sherý ótti. Beibit ómirge ýáde berip, shariǵat zańymen jumys isteitin úkimet quratynyn málimdegen tálipter oǵynan birneshe adamnyń qaza bolǵany týraly habar tarady.
Juma namazda tálipter "otandastaryn jan-jaqqa qashpai, el igiligine jumys isteý, jaýdyń úgit-nasihatyna senbeýdi" ýaǵyzdady.
Beisenbi kúni Aýǵanstan astanasynyń birqalypty tirlikke kóshkeni, qarýly tálipter kóshe aralap júrgeni baiqaldy, dúkender men kásiporyndar jumystaryn jalǵastyra bastady. Bankter men memlekettik mekemeler ázirge jabyq.
Kabýl áýejaiynda evakýtsiia toqtaǵan joq, AQSh pen onyń odaqtastarynyń áskeri kúshteri áýejaidaǵy qaýipsizdikti baqylap tur. 19 tamyzda general-maior Henk Teilor 14 tamyzdan beri AQSh áskeri kúshteri Aýǵanstannan jeti myńǵa jýyq adamdy áketkenin habarlady.
Pentagonnyń málimdeýinshe, tálipter shetel azamattaryn evakýtsiialaýǵa kedergi keltirmeitindei kórinedi. Alaida olardyń kei aýǵandardy áýejaiǵa jibermeýi Aýǵanstannan ketkisi keletinder arasynda úrei men dúrbeleń týǵyzǵanǵa uqsaidy.
