@Reuters
Tálipter áýejaida birneshe ushaqty ustap, reisterdiń ushýyna jol bermei otyr, - dep habarlaidy Tengrinews.kz agenttigi Reuters-ke silteme jasap.
Ókilder palatasyndaǵy Syrtqy ister komitetiniń basty respýblikalyq ókili Maikl MakKol Fox News Sunday baǵdarlamasynda sóilegen sózinde, AQSh áskeri kúshteri ketkennen beri Aýǵanstannan shyǵýǵa tyrysqan keibir amerikalyqtar áýejaida ushaqtarda, biraq "Taliban" ókilderi (Joǵarǵy sot sheshimine sáikes, Qazaqstanda tyiym salynǵan qozǵalys) lainerlerdiń ushý-qoný jolaǵynan ketýine jol bermei otyr dedi.
MakKol Mazari-Sharif áýejaiynda AQSh azamattary men olardyń aýǵan aýdarmashylary bar 6 ushaq bar ekenin aitty. Ol "Taliban" birqatar talaptardy alǵa tartyp, "olardy kepilde ustap otyr" dep boljaidy. Biraq birneshe derekkózder jáne Reuters agenttigine atyn jasyrýdy suraǵan azamat bunyń jalǵan ekenin aitqan.
Evakýatsiialyq ushýlardy uiymdastyrýshylardyń biri AQSh Memlekettik departamenti tálipterge eldiń soltústigindegi Mazari-Sharif qalasyndaǵy halyqaralyq áýejaidan ushýǵa kelisimi bar ekeni týraly habar bermegenin aitty.
Agenttikpen jasyryn túrde sóilesken amerikalyq sheneýnik, amerikalyqtarǵa qaýip tónip tur degen pikirdi joqqa shyǵaryp, AQSh úkimeti "áýejaidan ketýge tyrysyp jatqan amerikalyqtar Mazari-Sharifte ekenin rastamady" dep málimdedi.
Charterlik reister týraly suraqqa Memlekettik departament ókili Amerika Qurama Shtattarynda qyzmetkerler joq, sondyqtan charterlik reisterdiń negizgi bólshekterin rastaý úshin senimdi quraldar tapshy dep jaýap berdi, biraq AQSh tálipterden adamdardyń Aýǵanstannan erkin ketýine múmkindik berý keregi týraly ýádesin oryndaýǵa májbúr etedi dep qosty.
Óz kezeginde aýǵan sheneýnigi alty emes, tórt ushaq týraly aitty. Al olardyń jolaýshylary áýejaidan shyǵyp, "Taliban" elden ketýge ruqsat bergenshe qonaqúilerge toqtaǵanyn aityldy. Olardyń kópshiliginde qajetti jol júrý qujattary bolmaǵandyqtan qiyndyqtar týyndaǵyny habarlandy.
