"Taliban" qozǵalysynyń sodyrlary (Joǵarǵy sot sheshimine sáikes, Qazaqstanda qozǵalysqa tyiym salynǵan) balalardy urlaý isimen ainalysqan bes kúdikti ólim jazasyna kesilgenin málimdedi, - dep habarlaidy Tengrinews.kz.
Bul týraly Aamaj News agentigi Twitter-de jariialady.
13 qyrkúiekke qaraǵan túni birneshe aýǵanstandyq BAQ Mazari-Sharifte iri qaqtyǵys bolǵanyn habarlady. Jýrnalister bul tálipter men basqa sodyrlar arasyndaǵy shaiqas nemese tálipterdiń ózderi arasyndaǵy qarýly qaqtyǵys bolýy múmkin dep boljady.
Keiinirek "Taliban" qozǵalysynyń qaýipsizdik qyzmeti Mazari-Shariftiń toǵyzynshy aýdanyndaǵy Dasht-e-Shýrda arnaiy operatsiia nátijesinde kámiletke tolmaǵan tórt bala bosatylǵanyn aitty. Olardyń aitýynsha, adam urlaý tobynda tórt aýǵan azamaty men bir ózbek áiel bolǵan. Olardyń bári ólim jazasyna kesilgen.
