Foto: Pinterest/ZoneWearables
Tálipter Aýǵanstannyń iri shaharlarynda áielderge bala kóterpeitin dári-dármekti satýǵa tyiym saldy, - dep habarlaidy "Ult aqparat" "Habar 24" telearnasyna silteme jasap.
Olardyń paiymynsha, bul – batys memleketteriniń eldegi halyq sanyn azaitýǵa baǵyttalǵan qastandyq áreketi. Sarapshylar tiisti shekteý eldiń densaýlyq saqtaý salasyndaǵy ahýaldy odan beter ýshyqtyryp jibere me dep alańdaidy. Óitkeni Aýǵanstanda 14 áieldiń bireýi júktilik kezinde kóz jumady.
2021 jyly bilik basyna kelgen tálipter buǵan deiin qyz-kelinshekterdiń ýniversitette oqýyna tyiym salǵan edi. Sondai-aq olar janynda er adam bolmasa, áielderdiń kóshede jalǵyz júrýine de ruqsat bermei otyr.
