Aýǵanstandaǵy «Taliban» qozǵalysy qurǵan ýaqytsha úkimet shetelge shyǵatyn pasportty berýdi qaita bastady, dep habarlaidy QazAqparat Anadoly agenttigine silteme jasap.
Aýǵanstan «ýaqytsha úkimeti» IIM janyndaǵy Tólqujat basqarmasy basshysynyń mindetin atqarýshy Alem Giýl Hakkani eń birinshi kezekte buǵan deiin qujat rásimdeýge ótinish bergen 25 myń azamatqa tólqujat beriletinin málimdedi.
Hakkani kúnine 6 myń azamatqa tólqujat beriletini josparlanyp otyrǵanyn atap ótti.
Onlain ótinish bergen 170 myń aýǵandyqtyń tólqujaty rásimdelip jatyr.
IIM baspasóz hatshysy Saed Hosti tólqujatta eldiń aty Aýǵanstan Islam Respýblikasy dep jazylatynyn habarlady.
