«Taliban» jaýyngerleri (Qazaqstan aýmaǵynda tyiym salynǵan - avt.) Aýǵanstandy basyp alýdy jalǵastyrýda: jeksenbi tańerteń olar soǵyssyz Djelalabadty aldy, búgin Mazari-Sharif soǵyssyz berildi. AQSh áskerileri Aýǵanstandaǵy dipmissiia qyzmetkerlerine kómektesý úshin Kabýlǵa qaita oralýda, dep habarlaidy BBC.
«Qazir Djelalabadta qaqtyǵys joq, sebebi gýbernator «Talibanǵa» berildi. Bul azamattardyń ómirin qutqaryp qalýdyń jalǵyz amaly, sondyqtan talibterge kirýge ruqsat berdi», - dedi jeksenbi tańerteń Djelalabadtaǵy belgisiz sheneýnik.
Djelalabad – Nangarhar provintsiiasyndaǵy ákimshilik ortalyq. Ol Kabýldyń shyǵysynda, el astanasy men Pákistannyń shekarasynda ornalasqan. Senbi kúni keshke talibter Aýǵanstannyń soltústigindegi iri qalalardyń biri Mazari-Sharifti basyp alǵan bolatyn.
