27 shildede tańerteń Almaty oblysy Talǵar aýdanynyń ákimi Jolan Omarov pnevmoniiadan qaitys boldy. Bul týraly aýdan ákimdigi habarlady. Onyń artynda áieli men tórt balasy qalǵan. Marqum 41 jasta bolǵan.
Jolan Omarov 2019 jyldyń qyrkúiek aiynda Talǵar aýdanynyń ákimi bolyp taǵaiyndalǵan. Oǵan deiin shamamen eki jyl Almaty oblysy Raiymbek aýdanyn basqarǵan. Túrli jyldary Almaty oblystyq jer qatynasy, týrizm basqarmalarynda qyzmet istegen.
Ál-Farabi atyndaǵy Qazaq Ulttyq ýniversitetin, Qazaq Ulttyq agrarlyq ýniversitetin támamdaǵan.
