«Otbasylyq sot». Osyndai taqyryppen Dostyq úiinde pilottyq joba tanystyrylyp, Otbasy ortalyǵy ashyldy.
Saltanatty jiynǵa oblystyq sot tóraǵasynyń mindetin atqarýshy Qaldarbek Dosymbet, Qazaqstan halqy Assambleiasy filialy tóraǵasynyń orynbasary, hatshylyq meńgerýshisi Ǵabit Tursynbai, Dostyq úii – Qoǵamdyq kelisim ortalyǵynyń direktory Táńirbergen Qasymberkebaev, áielder isteri jáne otbasylyq-kóshi-qon saiasaty jónindegi komissiia hatshysy Janna Orazǵalieva, QHA janyndaǵy Analar keńesiniń tóraiymy Nesipjamal Baimadieva jáne oblystyq jastar saiasaty isteri jónindegi basqarmasy basshysy Jomart Qaratas qatysty.
Qazaqstan Respýblikasy Joǵarǵy Soty qolǵa alǵan «Otbasylyq sot» pilottyq jobasynyń maqsaty – otbasynda oryn alǵan janjaldyń, túsinispeýshiliktiń aldyn alý. Onyń sheńberinde otbasy-neke qarym-qatynasy salasynda týyndaityn daýlardy qaraýdyń jańa tásili aiqyndalady. Joǵarǵy Sot otbasylyq daýdy jan-jaqty zerttep qana qoimai, erli-zaiypty arasyndaǵy qarym-qatynasty nyǵaityp, taraptardy tatýlastyryp, shańyraqty saqtap qalýǵa tyrysady.
– Ortalyqta qyzmet etetin sýdia, mediator, psiholog pen sotsiologtyń qyzmeti orasan zor. Olar daýlasýshy erli-zaiyptynyń tatýlasýyna, otbasylyq qundylyqty saqtap qalýǵa, ajyrasý kórsetkishiniń azaiýyna septigin tigizedi degen senimdemiz. Pilottyq jobanyń áleýeti jaily kópshilik bilýge mindetti. Shańyraqta oryn alǵan shielenisti retteý jónindegi áreketter tizbeginde daýdy sotta sheshý eń sońǵy másele qajet, – dep atap ótti Q.Dosymbet.
QHA janyndaǵy Analar keńesiniń tóraiymy Nesipjamal Baimadieva otbasylyq institýtty nyǵaityp, quqyqtyq mádenietti arttyryp, turmystyq zorlyq-zombylyqtyń aldyn alý boiynsha is-sharalar júrgizý qajettigine toqtalyp ótti.
Kezdesý sońynda Yntymaqtastyq týraly memorandýmǵa qol qoiyldy.
Eńlik KENEBAEVA
