Taldyqorǵandaǵy oblystyq perinataldyq ortalyqta Baýberikovter áýletinde dúniege kelgen úshemniń otbasyna úsh bólmeli turǵyn úidiń kilti syiǵa tartyldy.
Dúniege kelgenderine búgin týra 1 ai bolǵan sábiler - Alima, Alisha, Almirany quttyqtaýǵa oblys ákiminiń orynbasary Aqan Ábdýáliev kelip, Baýberikovtar áýletine oblys ákimi Amandyq Batalovtyń sálemin jetkizdi. Sábilerdiń ákesi Dáýrenniń qolyna Taldyqorǵandaǵy kottedjdi qalashyqtan 3 bólmeli úidiń kiltin tabystap, nárestelerge arnalǵan qol arba, oiynshyq siiaqty syi-siiapattaryn qosa usyndy.
- Úshemniń dúniege kelýi – úlken qýanysh. Ár balanyń óz rizyǵy bar. Búgingi kúni Tuńǵysh Prezidentimiz Nursultan Ábishuly Nazarbaevtyń kemel saiasatynyń arqasynda áleýmettik máselelerge jete kóńil bólinip, halyqtyń ósimi artyp keledi. Úshemniń ómirge kelýi Taldyqorǵanda osydan 11 jyl buryn bolǵan eken. Endi, mine, biylǵy jyly osyndai zor qýanyshqa kenelip otyrmyz. Sondyqtan bul úlken oqiǵany eleýsiz qaldyrmai, oblys ákimi Amandyq Batalov úsh sábidiń ata-anasyna turǵyn úi kiltin ákelip tapsyrýdy maǵan júktedi. Balalar úlken azamat bolyp ósip, qýanyshtaryńyz uzaǵynan bolsyn, - dep tilegin bildirdi oblys ákiminiń orynbasary Aqan Ábdýáliev.
Qýanyshqa ortaqtasyp kelgenderge rizashylyǵyn bildirgen sábilerdiń ájesi Raia Esmuratqyzy dárigerlerdiń atyna da jyly lebizin jetkizdi.
- Úshemge júkti ekeni belgili bolǵannan bastap Eńlik perinataldyq ortalyqtyń direktory Qanat Jumashev bastaǵan bilikti dárigerlerdiń erekshe baqylaýyna alynyp, kútim jasaldy. Almatyǵa da, basqa úlken qalalarǵa da moiyn burmai, óz mamandarymyzǵa senim arttyq. Shaǵyn qala Taldyqorǵannyń meditsinasynda da myqty kadrlar toptasqanyna kózimiz jetip, Alla shúkir, búgin osyndai qýanyshty kúnge kýá bolyp otyrmyz. Áleýmettik salanyń damýyna jaǵdai jasaǵan el basshylaryna, oblys jetekshilerine shyn júrekten rizashylyǵymdy bildiremin. Bizdiń jolymyzdy keiingi jastarǵa berip, ósip-óne bersin, - dedi Raia áje.
Osy sátte oblys ákimi Amandyq Batalov Dáýrenmen, Eńlikpen telefon arqyly sóilesip, izgi tilegin jetkizip, jaqsylyq tiledi.
Alima, Alisha, Almira - Dáýren Serikuly men Eńlik Qaisarovanyń otbasynyń tuńǵyshtary. Dáýren shaǵyn kásippen ainalyssa, Eńlik - qaladaǵy № 12 mektepte muǵalim. Olar bolashaqta qyzdary dáriger bolsa dep armandaidy. Jáne osymen toqtap qalmai, aldaǵy ýaqytta taǵy da balaly bolýdy qalaityndaryn aitty.
Perinataldyq ortalyq mamandarynyń aitýynsha, sábilerdiń de, anasynyń densaýlyǵynyń jaqsy. «Nárseteler 2.300, 2.100 jáne 1.750 kg salmaqpen dúniege kelgen. qazir jaǵdailary jaqsy, damýy qalypty», - deidi dárigerler.
Úshemge berilgen úsh bólmeli turǵyn úi Taldyqorǵandaǵy jańadan salynǵan kottedjdi qalashyqtan kilti tapsyrylǵan eń alǵashqy úi ekenin atap ótýge bolady.
