Taldyqorǵan qalasynyń ortalyq «Iman» meshiti «Mektepke jol» respýblikalyq aktsiiasyna belsene qatysty. Imamdar men qaiyrymdy jandar 240 balany aldaǵy oqý maýsymyna daiyndady, dep habarlaidy QazAqparat tilshisi
«Mektepke jol» respýblikalyq aktsiiasy aiasynda Taldyqorǵan ortalyq «Iman» meshitinde 240 balaǵa arnalǵan oqý qural-jabdyqtary salynǵan mektep sómkeleri tabys etildi. Qazaqstan musylmandary dini basqarmasynyń Taldyqorǵan óńiri boiynsha ókil imamy Ardaq Núsiphanulynyń aitýynsha, bul aktsiiaǵa óńir meshitteri jyl saiyn belsendi túrde atsalysyp keledi.
Biyldyń ózinde oblys ortalyǵyndaǵy imandylyq shańyraqtary, «Zeket» qory jáne «Jaqsylyqta jarysaiyq» eriktiler toby óz úlesterin qosty. Olardyń kómegimen jalpy somasy 5 million teńgege jýyq qarjyǵa óńirdegi 1 500-den astam oqýshyǵa oqý qural-jabdyq áperilip, mektep formalary taratyldy.
