QR Ekologiia, geologiia jáne tabiǵi resýrstar ministri Serikqali Brekeshev elorda túbindegi Taldykólge qatysty pikirin bildirdi, dep habarlaidy QazAqparat.
«Biz ákimdikpen keńes ótkizip, ustanymymyzdy bildirdik. Jalpy, olar bizdiń ustanymymyzben kelisip otyr. Muny sý nysany retinde qaraýǵa bolmaityndyǵy túsinikti. Óitkeni, oǵan basqa jaqtan kelip quiylatyn sý kózi joq. Sol sebepti bul kóldiń tabiǵi jolmen-aq keýip ketýi yqtimal. Sonymen qatar biz ákimdikpen olardyń atalǵan oramdaǵy kólge sý keler jerlerindegi qurylys josparyn qaita qaraýy jaiyna ýaǵdalastyq jáne ol sý nysany retinde qalýy tiis. Qurǵap bara jatqan jerleri kómilýi qajet. Al tereń jerlerin ákimdik sý nysany retinde saqtap qalýǵa mindetti», - dedi ministr «Parij kelisiminiń maqsattaryna qol jetkizý joldary jáne Qazaqstannyń kómirtegi beitaraptylyǵy» halyqaralyq konferentsiiasynan keiin BAQ ókilderiniń saýalyna orai.
