Joǵary oqý oryndarynyń 19 dissertatsiialyq keńesi belgilengen talaptardy saqtamaǵandyqtan, 2021 jyly óz qyzmetin toqtatty. Qazirgi ýaqytta ýniversitetterde taǵy 13 dissertatsiialyq keńes jabylý aldynda tur, dep habarlaidy "Ult aqparat" Bilim jáne ǵylym ministrliginiń baspasóz qyzmetine silteme jasap.
Qyrkúiekte Bilim jáne ǵylym salasynda sapany qamtamasyz etý komiteti dissertatsiialyq keńesterdiń jumysyna osy jyldyń naýryz aiynda bekitilgen jańa format boiynsha taldaý júrgizdi.
Tekserý barysynda keibir joǵary oqý oryndarynyń dissertatsiialyq keńesteri jumysty uiymdastyrý kezinde buzýshylyqtarǵa jol beretini anyqtaldy.
«Keńester qurylǵan doktorantýranyń keibir bilim berý baǵdarlamalary akkreditteýden ótpegen. Birqatar ýniversitette keńestiń turaqty quramy bekitilmegen ári keńes quramynda 50% ýaqytsha múshelerdiń bolýy jónindegi talaptar saqtalmaǵan. Birqatar dissertatsiialyq keńeste resmi retsenzentterdiń, dissertatsiialyq keńes músheleriniń ǵylymi jumysty baǵalaýy formaldy sipatqa ie jáne jumys mazmunyna egjei-tegjeili taldaý júrgizilmeidi», – dep atap ótti QR BǴM Bilim jáne ǵylym salasynda sapany qamtamasyz etý komitetiniń tóraiymy Gúlzat Kóbenova.
Esterińizge sala keteiik, osy jyldyń naýryz aiynda dissertatsiialyq keńesterdiń jumys isteýi boiynsha jańa talaptar zańnamalyq túrde belgilendi. Olardyń ishinde dissertatsiialyq keńesterde ýaqytsha múshelerdiń – qorǵalatyn dissertatsiia taqyryby boiynsha sala mamandarynyń bolýy, retsenzentterdiń daýys berýge qatysýy jáne olarǵa qatysty shekteýler týraly erejeler bar.
Sondai-aq keńesterge qorǵaý nátijeleri boiynsha dissertatsiialyq jumysty túzetýge nemese qaita qorǵaýǵa jiberý siiaqty sheshimder qabyldaýǵa múmkindik berildi. Sonymen qatar joo saitynda qorǵalatyn dissertatsiialardy merzimsiz ýaqytqa ornalastyrý, jumysty onlain qorǵaý –engizilgen jańashyldyqtardyń biri bolyp tabylady. Bul sharalardyń barlyǵy sapany qamtamasyz etýge baǵyttalǵan.
