Básekelestikti qorǵaý jáne damytý agenttigi inDrive servisine monopoliiaǵa qarsy zańnamany buzýy múmkin áreketterge jol bermeý týraly aldyn ala eskertý jasady, dep habarlaidy ult.kz.
Buǵan 11 qazanda «Iandeks Go» servisiniń ýaqytsha isten shyǵýynan keiin taksi baǵasynyń kúrt óskeni týraly aqparat negiz bolǵan. Paidalanýshylardyń inDrive-ke jappai aýysýy suranysty arttyryp, jekelegen saparlardyń quny úsh esege jýyq qymbattaǵan.
Agenttik málimetinshe, júrgizýshiler men jolaýshylar ózara kelisetin tarifterge bos kólikterdiń tapshylyǵy áser etken. Al inDrive jaǵdaidy turaqtandyrý úshin komissiiany tómendetip, baǵa boiynsha saýdalasý shegine qatysty shekteýler engizgen.
Vedomstvo taksi qyzmetteri naryǵynda tutynýshylardyń quqyǵyn qorǵaý jáne baǵanyń negizsiz ósýine jol bermeý mańyzdy ekenin atap ótti. Eskertý aldyn alý sipatynda jáne yqtimal zań buzýshylyqtardyń aldyn alýǵa baǵyttalǵan
