Almatyda jeke sot oryndaýshysy soqqyǵa jyǵylǵan oqiǵanyń kýágeri bul jaǵdaiǵa qatysty óz nusqasyn aitty, - dep habarlaidy Tengrinews.kz tilshisi "Almaty" men KTKtelearnalaryna silteme jasap.
Páter jaldaýshy Raisa Ázizovanyń aitýynsha, sot oryndaýshysy Ádil Ermekovtiń ózi arandatqan. Ol ózin tym tákappar ustaǵanyn aitady.
"Sot oryndaýshysy qorqytty. Men sol jerde turdym, ol "Munyń bárin qulat, boldy, endi ashýlymyn" dedi. Óz qulaǵymmen estidim", - dedi Ázizova.
"Úidiń qazirgi qojaiyny Maqsut shyqty da, "Mine, men jańa qojaiynmyn. Boryshker qaida? Kimniń tegi kórsetilgen? Naqty familiia bar. Meniń familiiam jazylǵan ba? Joq? Demek, qaitadan sotqa berińiz" dep jailap aitty. Sot oryndaýshysy Ysqaqov Maqsutty teýip, bylapyt sózder aitty. Eki politsei boldy, biraq eshteńe istemedi", - dep qosty kýáger.
Ermekov ózine taǵylǵan aiyptyń bárin joqqa shyǵardy. Sot oryndaýshysy soqqy jasaǵan er adam ústinen aryz jazǵan.
"Soqqy qatty boldy. Aýrýhanaǵa bardyq. Syndy dep oiladym. Bári jaqsy. Jaǵdaiym jaqsy. Qabyrǵam aýyrady. Oń jaǵymmen uiyqtai almaimyn", - dedi sot oryndaýshysy.
Tiisti saraptamalar taǵaiyndaldy, sonyń nátijesi boiynsha protsessýaldyq sheshim shyǵarylady. Qalalyq politsiia departamenti tergeýdi baqylaýǵa alýǵa ýáde berdi.
Eske salaiyq, oqiǵa 4-qazanda Almatydaǵy turǵyn úidi buzý kezinde bolǵan. Er adam sot oryndaýshysynyń qabyrǵasynan eki ret urǵan. Keiin jábirlenýshi videohabarlama jariialap, soqqy jasaǵan er adamdy qamatatynyn aitqan bolatyn.
