.png)
Foto: Massaget.kz
Belgili kásipker Syrymbek Taý áleýmettik jelidegi paraqshasynda kúndelikti oǵan keletin hattar men ótinishter týraly ashyq oi qaldyryp, oqyrmandaryna mańyzdy uiǵarym aitty, dep habarlaidy Ult.kz.
Ol jazbasynda qysqa ári nusqa túrde kelesini atap ótken:
«Tizesi shyqqan sóz. “Balyq berme, qarmaq ber”. Osylai bastalsa oqymaýǵa tyrysamyn. Osylai kúnine 8–9 adam jazady. Bir demep jiberseń, baiyp ketemin, kreditimdi jaýyp berseń, jolym bolyp ketedi… qatelesip qumar oiynǵa kirip, ólim shegine kelgendei bolyp jazatyndar da, siz qutqarasyz, túsimde sizdi kórdim — siz kómektesýińiz kerek ekensiz dep jazady… Osyndai, qarajat surap jazatyn, esh tanys emes adamdar kóp. Dostar, tegin dúnie bolmaidy; bolsa da nátije beretin, parasatty, paidaly bolǵanda ǵana bolady. Sondyqtan 50–60 adamǵa birdei hat jazyp, ýaqyt joǵaltqansha, 20 bet kitap oqyńyz nemese eki qolǵa bir kúrek tabatyn jumys tabyńyz. Aspannan aqsha jaýmaidy — bul anyq.»
Kásipkerdiń sózi oqyrmandary arasynda ekushty pikir týdyrdy. Biri ony qoldasa, basqalary aqshaly adam mundai muqtajdyqty túsine bermeitinin jetkizdi.
"Qazirgi zamanda ártúrli qiyndyqpen betpe-bet keletin adamdar kóp. Keibireýler, shyn muqtajdyqpen emes, áldebir jeńil jol izdep, kómekti suraýǵa júginedi. Kómek suraǵan adamǵa qol ushyn sozý — adamgershilik isi, biraq kómektiń máni — adamnyń ómirin ózgertýge yqpal etýinde. Qarmaq ustap úirenbei, balyq alý múmkin emes. Eńbek pen bilim - adamdy jetistikke jetkizer eń senimdi jol", - dep jazdy akter Bekjan Turys.
"Sen ne jazsań da, sóziń ótimdi bolady, Qurdas. Sebebi seniń qarajatyń bar. Qarajaty bar adamnyń sózi, Qazaq qoǵamynda ótimdi - qarajaty joq adamnyń basy altyn bolsa da, pikirin eshkim tyńdaimaidy. Shyndyq sol. Jalpy bai adamnyń aqyl aitqandary durys. Kedei adam aqyl aitsa: “Ózin jóndep almai ma …” deidi qoǵam. Sondyqtan osylai aýqatty ǵumyryńda aqylyńdy aita ber. Tyńdaimyz", - dep jazdy depýtat Samat Nurtaza.
