Qyzylorda oblysy Qarmaqshy aýdanyndaǵy Qyzyltam aýylynyń irgesindegi qaýipti aimaqta Syrdariia ózeni arnasynan asyp ketti. Osyǵan bailanysty oblystyq mańyzy bar Jalaǵash-Josaly joly ýaqytsha jabyldy, - dep habarlaidy Massaget.kz portaly.
Oblys ákiminiń baspasóz qyzmeti ókilderiniń málimetinshe, sý basý aimaǵyndaǵy sharýa qojalyqtaryna, ǵimarattar men turǵyn úilerge zaqym kelgen joq. Zardap shekkender de joq.
"Eldi mekenderge qaýip tónip turǵan joq. Munda tiis jumystar júrgizilip jatyr, jaǵdai baqylaýǵa alyndy", - dep habarlady ministrliktiń baspasóz qyzmeti ókilderi.
Aita keteiik, bul kúnderi oblysqa Syrdariia ózeni arqyly sekýndyna 778 tekshe metr sý aǵyp kelip jatyr.
"21 aqpan men 4 naýryz aralyǵynda qabyldanǵan sharalar nátijesinde ózenniń Jańaqorǵan, Shieli aýdandary, Qyzylorda qalasy, sondai-aq, soltústik aýdandary - Syrdariia jáne Jalaǵash ýchaskelerinde muz arqyly qozǵalý qaýipsiz etildi. Qarmaqshy aýdanyndaǵy Qyzyltam aýyly mańyndaǵy qaýipti ýchaskede ózen arnasynan asyp ketti. Osyǵan bailanysty aýdandyq mańyzy bar Jalaǵash-Josaly (Josaly aýylynan 43 shaqyrym, Jalaǵash aýylynan 31 shaqyrym, Daldabai men Qyzyltam eldi mekenderi arasyndaǵy) joly ýaqytsha jabyldy", - dedi ákimdik ókilderi.
Bul jol eki eldi mekendi - Daldabai men Qyzyltamdy bailanystyrady. Bul rette olarǵa aýdan ortalyqtary - Josaly, Jalaǵash aýyldarynan aparatyn ishki joldar bar. "Batys Eýropa-Batys Qytai" halyqaralyq tasjoly ashyq jáne qalypty jumys isteidi.
