Shymkentte sintetikalyq esirtki zattaryn taratýmen ainalysty degen kúdikpen Almaty oblysynyń turǵyny ustaldy. Operatsiiany qalalyq politsiia departamentiniń esirtki qylmysyna qarsy is-qimyl basqarmasynyń qyzmetkerleri júrgizdi, dep habarlaidy ult.kz.
Tergeý málimetinshe, kúdikti qala aýmaǵynda avtokólikpen júrgen kezde qolǵa túsken. Kólikti tekserý barysynda onyń júksalǵyshynan 1 keliden astam sintetikalyq psihotroptyq zat tabylyp, tárkilendi.
Politseilerdiń anyqtaýynsha, er adam bul zańsyz áreketpen ótken jyldan beri ainalysqan. Ol esirtkini Almaty oblysynan Shymkentke jetkizip, aldyn ala belgilengen jasyryn oryndarǵa qaldyryp otyrǵan. Keiin olardyń ornalasqan jerin messendjer arqyly joldap otyrǵany belgili boldy.
Atalǵan derek boiynsha qylmystyq is qozǵaldy. Kúdikti ýaqytsha ustaý izoliatoryna qamaldy.
Qazirgi ýaqytta oqiǵanyń barlyq mán-jaiyn anyqtaýǵa baǵyttalǵan tergeý amaldary júrgizilip jatyr.
