Áleýmettik jelide jekemenshik balabaqsha qyzmetkeriniń dóreki áreketi túsirilgen video tarady. Video jelide rezonans týdyrdy, mektepke deiingi mekemede tekserý júrgizilmek, - dep habarlaidy Tengrinews.kz tilshisi.
Jelide taraǵan kadrlarda syrt kiimimen edende jatqan kishkentai qyz kórinedi. Videodan onyń balabaqshada qalǵysy kelmegenin baiqaýǵa bolady. Sálden soń oǵan balabaqsha qyzmetkeri kelip, qystyq kúrtesiniń jeńinen julqyp, ertip ketedi. Video sipattamasynda mundai jaǵdai jii bolatyny jazylǵan.
"Men kýágermin. Balabaqshadaǵy psihikasy buzylǵan qyzmetkerdiń áreketin jai qaldyra almadym. Buny anonim jariialaýyńyzdy suraimyn. Sebebi mundai qarym-qatynasty ortaǵasyrdaǵy sadizmniń bir túri dep sanaimyn. 40 000 teńgege balalardyń psihikasyn buzatyn jeke mekeme! Onda júregi aýyratyn bala bar, bulai jalǵassa, ony qiyn jaǵdaiǵa deiin jetkizedi. Barlyq deni saý emes qyzmetkerdi teksergenin qalaimyn", - delingen video sipattamasynda.
