Akter ári ánshi Oljas Abai áleýmettik jelidegi jazbasynda Dariǵa Badyqovaǵa degen sezimin ashyq bildirdi. Óner iesi birge túsken sýretin jariialap, sońǵy bes jyldaǵy qarym-qatynasyna qatysty jurttyń nazaryn aýdarǵan sózder jazdy, dep habarlaidy ult.kz.
Oljas Abaidyń aitýynsha, bes jyl ishinde alǵash ret ekeýi bir ai boiy kórispegen. Akter mundai uzaq ýaqyt bólek júrý ekeýine de ońai bolmaǵanyn jazdy.
«5 jylda birinshi ret, bir ai ýaqyt kórispedik. Ekeýmiz de ońai adam emes ekenbiz... Tylsym sezim júrek kórgen saiyn, esten tandyryp, jaqsy kórgizip jiberetinine tańǵaldym», – dep jazdy ol.
Sondai-aq akter mahabbatqa burynǵydai qaramaitynyn aityp, sezimin erekshe sipattaǵan.
«Súiý degen keremet eken ǵoi. Buryn qalai bilmegem. Sender de aitpaisyńdar. Ǵashyqpyn saǵan, ǵajabym», – dedi Oljas Abai.
Onyń «5 jylda birinshi ret» degen sózi áleýmettik jeli qoldanýshylarynyń nazaryn aýdardy. Jelide bul sóz akter men Dariǵa Badyqovanyń qarym-qatynasy bes jyldan beri jalǵasyp kele jatqanyn meńzei me degen boljamdar aityldy.
