Foto: qyzyljarnews.kz
Soltústik Qazaqstan oblysynda 1648 úige sý kirdi jáne birneshe kúnde Esil ózenindegi sý deńgeii tómendeidi dep kútilip otyr. Qazirgi ýaqytta apatty joiý boiynsha jumystar júrgizilýde, ásirese eriktiler kóp kómek kórsetedi, aýyz sý basqa qalalardan da ákelinip jatyr. Osy oraida Ult.kz tilshisi Soltústik Qazaqstan oblysynda tasqynmen kúresip júrgen SQO volonterler shtabynyń koordinatory, erikti Álfarabi Myńbaidy sózge tartty.
Eriktiniń sózinshe, oblysta sýdyń deńgeii áli túspegen.
«Búgingi kúni Soltústik Qazaqstan oblysyndaǵy sý tasqynyna bailanysty Tótenshe jaǵdai qyzmetkerleriniń dereý is-qimyly arqasynda bizde adam shyǵyny bolǵan joq. TJ qyzmetkerleri men eriktilerdiń kómeginiń arqasynda bizde mal shyǵyny da oryn alǵan joq. Sebebi bizde aýyldarda jáne eldi mekenderdegi evakýatsiialyq jumystar der kezinde júzege asyrylǵandyqtan mal shyǵyny, adam shyǵyny týraly estigen joqpyz. Men ózim osy SQO boiynsha volonterler shtabynda koordinator bolyp jumys istep jatyrmyn.
Zardap shekken turǵyndardyń jáne úisiz-kúisiz qalǵan turǵyndarǵa meditsinalyq-psihologiialyq kómek kórsetý jumystary qarqyndy júzege asyrylyp jatyr. Oblysymyzdaǵy psiholog mamandar tartylǵan jáne qoǵam belsendileri zardap shekken turǵyndarmen kezdesip, sóilesip, sabyrǵa shaqyryp jumys istelip jatyr. Naqty aitar bolsaq, kóbine balalarmen jumys júrýi jalǵasyp jatyr. Ata-anasynyń kóńil-kúiin kórgen balalar da psihologiialyq qiyndyqtarǵa ushyraýy múmkin bolǵandyqtan psihologtar barynsha jergilikti oqýshylar, úi-kúisiz qalǵan ata-analardyń balalarymen túsindirme jumystaryn júrgizip, olarmen psihologiialyq sabaqtar ótkizip jatyr. Bizde qazirgi tańda Petropavl qalasynda ornalasqan evakýatsiialyq ortalyqtyń barlyǵynda psiholog jáne meditsina mamandary qamtylǵan. Ony gýmanitarlyq kómek alyp baryp júrgen kezde ózimiz de kórip júrmiz», deidi erikti Álfarabi Hýsanuly.
Jalpy oqý oryndarynyń jospary qazirgi tańda onlain formatqa aýysqan. Keibir mektepter, keibir jataqhanalar evakýatsiialyq orynǵa aýysýyna bailanysty oqýshylar men stýdentterdiń sabaǵy onlainǵa kóshken.
«Turǵyndardyń basty máselesi, úiinen bir kúnde aiyrylyp qalǵan turǵyn bolǵandyqtan olardy basty mazalaityny turǵyn úi máselesi. Qalai, qai ýaqytta qalpyna keledi degendei suraqtar bar. Ózderińizge belgili, búgin Prezident Q.K.Toqaev Soltústik Qazaqstan oblysyna kelip, evakýatsiialyq aimaqta ornalasqan turǵyndarmen kezdesti. Memleket basshysy óz sózinde, árbir zardap shekken otbasyǵa bir rettik 100 MPR aqshalai qoldaý bolady jáne jazǵy ýaqytta barlyq turǵyndardyń qalaýy boiynsha úi salynady. Ekinshiden eger úidi alǵysy kelmegen turǵyndar bolsa, olarǵa kóp qabatty úiden páter berýge tyrysamyz degendei qyldy. Qazirgi tańda, Prezidenttiń ózi kelip halyqpen kezdeskennen keiin halyqtyń sál de bolsa kóńil-kúii ornynda dep aitsaq ta bolady. Jergilikti basshylyq ta TJ qyzmetkerlerimen birge sý tasqynynyń aldyn alý boiynsha jumystar istep jatyr. Bizde óńirimizde aldaǵy 10 kún boiy áli de qaýip kútilip otyr, sebebi sýdyń deńgeii áli túsken joq. Al bizdegi basshylyq mamandary evakýatsiialanǵan aimaqtarǵa, pýnktarǵa ornalasqan turǵyndarmen kezdesýler ótkizip, olarǵa memleket tarapynan qandai kómekter kórsetiledi, sonyń barlyǵyn jeke keńes ótkizip, túsindirý jumystaryn júrgizip jatyr. Bylaisha aitqanda, naqty evakýatsiialyq oryndardaǵy turǵyndardyń jaǵdaiy birdei desek te bolady. Barlyǵyn basty máselesi, joǵalǵan mal-múlik, úi salý máseleleri mazalap tur», deidi Álfarabi Myńbai.
Eriktiniń sózinshe, Prezidenttiń «sýdan zardap shekken turǵyndardyń eshqaisysy memleket nazarynan tys qalmaidy» degen sózi qýat berip, barlyǵyna úi salyp, shyǵyndaryn óteýge kómektesedi degen úmit syilaǵan.
