Búgin Qostanai oblysynyń quzyrly organ ókili sý tasqynynan zardap shekken azamattarǵa keltirilgen zalaldy óteýge jáne birjolǵy áleýmettik tólemderge qansha qarajat bólingenin aitty dep habarlaidy "Ult Aqparat".
Búgingi tańda Qostanai oblysy boiynsha sý tasqyny saldarynan múliktik shyǵyndardy qalpyna keltirý jáne óteý boiynsha 2439 ótinish kelip túsken. Tólem boiynsha sheshimderdi komissiialar jyljymaityn jáne jyljymaly múlik pen maldy baǵalaý jáne tehnikalyq tekserý júrgizý shamasyna qarai qabyldaidy.
"Oblys ákimi halyqqa barlyq tólemderdi qysqa merzimde aiaqtaýdy tapsyrdy. Osy maqsatta oblystyq tótenshe rezervten halyqqa keltirilgen zalaldy óteýge jáne birjolǵy áleýmettik tólemderdi tóleýge 4,9 mlrd. teńge kóleminde qarajat bólindi.Sondai-aq sý tasqynynan zardap shekken eldi mekenderde jol infraqurylymyn, elektrmen jabdyqtaýdy qalpyna keltirý jónindegi is-sharalarǵa qaradat bólindi", -dep otyr Qostanai oblysy ákimdiginiń qarjy basqarmasy basshysynyń orynbasary Alma Júsipova.
Arqalyq q. - 1535 mln. teńge;
- Qostanai aýdany-419,0 mln. teńge;
- Amangeldi aýdany - 1070 mln. teńge;
- Jangeldin aýdany-643 mln. teńge;
- Qostanai q. - 480 mln. teńge;
- Qarasý aýdany - 253 mln. teńge.
TJD-275 mln. teńge, jolaýshylar kóligi basqarmasy – 237 mln.teńge, energetika basqarmasy-36 mln. teńge.
"Sonymen qatar, bizdiń oblys Úkimetiniń tótenshe rezervinen Arqalyq qalasynda páter satyp alýǵa 405,0 mln.teńge kóleminde alǵashqy transh bólindi, 30 páter satyp alyndy", -dedi Júsipova.
Veterinariialyq qyzmettiń málimetinshe, sý tasqyny saldarynan mal ólimi 981 basty qurady.
"Mal boiynsha óteý baǵalaý júrgizý shamasyna qarai júzege asyrylatyn bolady. Búgingi kúni baǵalaý boiynsha esepter 806 bas boiynsha daiyn, tólem 161 mln.teńge somasyna júrgizildi", -dep otyr Alma Júsipova.
Sondai-aq mamannyń sózinshe birjolǵy áleýmettik kómek boiynsha 739 mln. teńge somasyna 1915 ótinish boiynsha Tólendi, ótinishterdi qabyldaý jáne tóleý jumystary jalǵasýda. TMQ ( Turmystyq tehnika, jihaz jáne t.b.) boiynsha ziiandy óteý bastaldy – 7,5 mln. teńge keltirilgen zalaldyń mólsherin baǵalaýǵa sáikes júzege asyrylady, biraq 150 AEK (553 800 teńge) aspaidy.
