Foto: Kegen aýdany ákiminiń baspasóz qyzmeti
Respýblikalyq mańyzy bar 15 avtomobil jolynda sý tasqynyna bailanysty qozǵalysqa shekteý qoiyldy, dep habarlady QazAvtoJol.
"6 oblystaǵy (Aqtóbe, Aqmola, Atyraý, Qostanai, Pavlodar, SQO) respýblikalyq mańyzy bar 15 avtomobil jolynda (uzyndyǵy 731 km) qozǵalysqa shekteý qoiyldy", - dep jazylǵan habarlamada.
2024 jylǵy 9 sáýirdegi saǵat 10:00-degi málimet boiynsha halyqaralyq jáne respýblikalyq mańyzy bar avtomobil joldarynda aýa raiynyń jylynýy men qardyń tez erýi saldarynan (Atyraý, SQO, Atyraý, Qostanai) 8 jol júrý ýchaskesinde jalpy uzyndyǵy 3730 metr joldy sý basqan.
Qazirgi tańda respýblikalyq joldarda 475 birlik tehnika men 548 adam jumys istep jatyr.
