Foto: zakon.kz
Qardyń tez erýi saldarynan 3 oblysta halyqaralyq jáne respýblikalyq mańyzy bar avtomobil joldaryn sý basyp qaldy, dep habarlady «Ult aqparat».
"5 sáýir saǵat 09:00-degi jaǵdai boiynsha aýa raiynyń jylynýy men qardyń tez erýi saldarynan Atyraý, SQO, Qostanai oblystaryndaǵy halyqaralyq jáne respýblikalyq mańyzy bar avtomobil joldarynda jalpy uzyndyǵy 3280 metr 6 jol ýchaskesin sý basty", - delingen QazAvtoJol taratqan habarlamada.
Aqtóbe, Atyraý, Qostanai, Pavlodar, SQO, Mańǵystaý oblystarynda respýblikalyq mańyzy bar 8 avtomobil jolynda (uzyndyǵy 398 km) qozǵalysqa shekteý qoiyldy.
Qazirgi tańda respýblikalyq joldarda 285 birlik tehnika men 312 adam jumys istep jatyr.
