Foto: Luqpan Eleý
Shaǵan jáne Derkól ózenderindegi sý deńgeiiniń kóterilýine bailanysty qazirgi tańda Samal aýdany mańyndaǵy saiajailarǵa sý kelip jatyr. Osy osy aýmaqta ornalasqan "Michýrinskoe", "Obedinionnoe", "Veteran", "Zviozdochka" saiajailaryndaǵy adamdardy evakýatsiialaý jumysy bastaldy. Ýaqytsha turatyn úileri joq adamdar evakýatsiialyq pýnktterge ornalasýda. Turǵyndardy evakýatsiialaýǵa barlyǵy 12 avtobýs jumyldyrylǵan, - dep habarlaidy Oral qalasynyń ákimdigi.
Bos qalǵan úilerdi politsiia qyzmetkerleri kúzetip júr. Aita keteiik, qazirgi ýaqytta qaladaǵy ózen mańyndaǵy saiajailarda shamamen 10 myńnan asa adam turady.
«Shaǵan ózeninde sý deńgeiiniń kóterilýine bailanysty Oral qalasynda Samal aýdanyndaǵy aspaly kópirde muz keptelisi paida boldy. Ózendegi muz kedergisiz ótý úshin atalǵan aýdandaǵy aspaly kópirdi kesý týraly sheshim qabyldandy.
Sazdy sý qoimasyndaǵy sý aǵynynyń ulǵaiýy nátijesinde Sazdy jáne Jińishke ózenderindegi sý deńgeiin azaitý maqsatynda, sýdy aǵyzýdyń joǵarylaýtý jumystary jasalýda. Bul rette ózenderdegi sý deńgeiiniń kóterilýi múmkin», dedi ákimdikten.
TJD qutqarýshylary azamattardy jaqyn mańdaǵy aýyldardan aldyn ala evakýatsiialaý jumystary júrgizilýde.
Qazirgi ýaqytta 25 adam evakýatsiialandy, onyń ishinde 9 bala.
Bul jumysqa 7 arnaiy tehnika, 20 maman jumyldyryldy. Kópirdi sý deńgeiinen joǵary kóterý maqsatynda tiisti sharalar qabyldandy. Nátijesinde muz keptelisi qozǵalyp, ózenniń tómengi aǵysyna kedergisiz ótýde. Qazir atalǵan jerde kezekshilik uiymdastyrylǵan.
