Búgin Maqtaaral aýdanynda áleýmettik máseleler jónindegi jumysshy toptyń otyrysy ótti, dep habarlady óńirlik kommýnikatsiia qyzmeti.
Jiynǵa Túrkistan oblystyq Qazaqstan halqy Assambleiasy hatshylyǵynyń meńgerýshisi, Maqtaaral aýdanyndaǵy oblystyq shtabtyń áleýmettik máseleler jónindegi jetekshisi Ǵani Rysbekov, «Nur Otan» partiiasy Túrkistan oblystyq filialy tóraǵasynyń birinshi orynbasary Beisen Tájibaev, aýdandyq partiia ókilderi, sý tasqynynan zardap shekken aýyl okrýgteriniń ákimderi, quqyq qorǵaý organdary men aýdandyq ákimdiktiń ideologiia bóliminiń basshylary men mamandary qatysty.
Otyrys barysynda sóz alǵan oblystyq shtabtyń áleýmettik máseleler jónindegi jetekshisi Ǵani Rysbekov sý tasqynynan zardap shekken turǵyndardyń ótemaqylaryn tezdetip tóleý, búgingi jai-kúiin jaqsartý, turǵyn úi salý kezindegi qiyndyqtaryn eńserý, Órgebas, Firdaýsi aýyldaryndaǵy qalypqa keltirý jumystaryna qoldaý bildirý jónindegi jumystardy shiratý qajettigine toqtaldy.
«Nur Otan» partiiasy Túrkistan oblystyq filialy tóraǵasynyń birinshi orynbasary Beisen Tájibaev sý tasqynynan zardap shekken turǵyndardyń ótemaqysyn tóleý jumysyna bilikti mamandardy tartyp, halyqpen tyǵyz bailanys ornatý, túsindirý sharalaryn uiymdastyrý kerektigin atap ótti.
Munan soń arnaiy top Myrzakent mańynda boi kóterip jatqan jańa móltek aýdandaǵy qurylys jumystarymen tanysty.
Aita keteiik, búginde munda 383 úidiń qurylys júrip jatyr. Onyń 193-i - úkimettiń rezerv qarjysyna, 190-y - qorlar esebinen boi kóterip jatyr. Sonyń ishindegi 20 úi «Nur Otan» partiiasynyń «Biz birgemiz» qorynyń qoldaýymen salynýda.
«Nur Otan» partiiasy Túrkistan oblystyq filialy tóraǵasynyń birinshi orynbasary Beisen Tájibaev sondaǵy qurylysshylarmen tildesip, olardyń búgingi jai-kúiimen tanysty.
Qazirgi tańda jańa móltekaýdanda 188 úidiń irgetasy quiylyp, 73-inde qabyrǵa kóterý jumystary júrip jatyr. Taǵy eki úidiń shatyry jabylýda.
Qurylys jumystary eki kezeńde júrgizilip jatyr. Úi salýǵa qajetti tehnika men qurylys materialdarynan tapshylyq joq.
