© Sputnik / Aleksei Malgavko
Batys Qazaqstan oblysynda 2 399 bas mal qyrylǵan, onyń 341-i iri qara, dep «Ult aqparat» "Moi gorod" portalyna silteme jasap.
BQO aýyl sharýashylyǵy basqarmasy basshysynyń orynbasary Berik Seiitqaziev Oral men birqatar aýdanda sý tasqynynan búlingen aýyl sharýashylyǵy nysandary, onyń ishinde ósimdik sharýashylyǵy bar ekenin aitty.
"Sý tasqyny saldarynan kúzdik daqyldar, shaǵyn sharýashylyq qoimalary men jylyjailardaǵy tyńaitqyshtar búlingen. Olardyń sany áli naqtylanǵan joq. Nysandar Báiterek aýdanynyń, Terekti jáne Bórli aýdandarynyń aýmaǵynda jáne Oral qalasynda ornalasqan", - dep atap ótti Berik Seiitqaziev.
Onyń aitýynsha jeke jáne zańdy tulǵalarǵa keltirilgen zalaldy óteý erejesi ázirlenip, qazirgi ýaqytta kelisý satysynda tur.
"Aýdandarda qurylǵan komissiia zalaldy esepteý úshin sý basqan nysandarǵa barady, biraq keibireýleri áli de sýda. Qazirgi ýaqytta 22 ótinim kelip tústi: Terekti aýdany-3, Bórli aýdany-1, Báiterek aýdany – 16, Oral- 2", — dep habarlady ol.
Aýyl sharýashylyǵy basqarmasynyń málimetinshe, qutqarý jumystary barysynda 6 912 bas aýyl sharýashylyǵy janýary, onyń ishinde 2 696 bas IQM, 3 082 bas usaq mal jáne 1 134 jylqy, bir túie evakýatsiialandy.
Komissiia 2 399 janýardyń, onyń ishinde 341 iri qara maldyń ólgenin rastady.
Ótemaqy tóleý úshin 187,5 mln teńge bólindi. 137 ótinish boiynsha aýdandyq ákimdikter 177 bas IQM, 671 bas usaq mal, 46 jylqy, 54 shoshqa jáne 52 qus úshin 126,9 mln teńge tóledi.
