foto: MassagetSý sorylyp, inertti material tóseldi. Búgin QR Tótenshe Jaǵdailar Ministrliginiń ókili Asqar Shárip Ortalyq Kommýnikatsiialar Qyzmetinde tken brifingte óńirlerdegi sý tasqynyna qatysty jaǵdaidy baiandady dep habarlaidy "Ult Aqparat".
Atyraý oblysynyń Atyraý qalasy men Qurmanǵazy aýdanynda Jaiyq ózeni sý deńgeiine monitoring, bógetterdi nyǵaitý jumystary jalǵastyrylýda. Ótken táýlikte Qulsary qalasynda 150 myń tekshe metr sý soryldy. Qalǵan sý basqan 216 úiden sý sorý jumystary júrgizilýde.
Shyǵys Qazaqstan oblysy Altai aýdanynyń Zýbovsk kentinde 18 aýla aýmaǵynan sýdyń baǵyty burylyp, sý soryldy. Bógetterdi nyǵaitý, sý basqan aýmaqtardan sý sorý jumystary jáne ózenniń sý deńgeiine monitoring jalǵastyrylýda.
Soltústik Qazaqstan oblysynyń Petropval qalasy men Qyzyljar aýdanynda sý tasqynyna qarsy is-sharalar jalǵastyrylýda. Ótken táýlikte jyljymaly sorǵy stantsiialary men motopompalardyń kómegimen sý basqan 356 úiden sýdyń baǵyty burylyp, sý soryldy, barlyǵy 27 myń tekshe metr sý soryldy.
Respýblika boiynsha 8 189 turǵyn úi men 2 988 aýla aýmaǵynan sýdyń baǵyty burylyp, sý soryldy. 14 mln astam tekshe metr erigen qar sýy soryp shyǵaryldy, 7,7 mln qapshyq jáne 1,5 mln astam tonna inertti material tóseldi.
Avariialyq-qutqarý jáne sý tasqynyna qarsy jumystarǵa 14 myńnan astam adam, 1 523 tehnika, 244 sý sorý quraly jáne 79 júzý quraly, 4 áýe kemesi jumyldyryldy.
Óńirlerge áýe, temirjol jáne avtokólikpen 7 myńǵa jýyq tonna gýmanitarlyq kómek jetkizildi.
