Foto: Atyraý oblystyq PD
Sý tasqynyna bailanysty Atyraý oblysynyń Jylyoi aýdanynda tótenshe jaǵdai jariialandy, - dep habarlaidy «Ult aqparat» Kazinform-ǵa silteme jasap.
Jylyoi aýdany ákiminiń orynbasary Gúlnafis Aishýaqovanyń málim etýinshe, qazir sý tasqyny qiyndyq týǵyzyp otyr.
«Jylyoi aýdanynda búgin, 4 sáýirden jergilikti aýqymdaǵy tótenshe jaǵdai jariialandy. Qazir Qosshaǵyl aýyldyq okrýgine qarasty Qaraǵai eldi mekenine sý kirdi. Sol sebepten, jedel shtab Qaraǵai eldimekeniniń turǵyndaryn qaýipsiz aimaqqa kóshirý týraly sheshim qabyldady. Birinshi kezekte áielder, balalar, naýqas jandar jáne I, II, III-toptaǵy múgedekter kóshiriledi», -dep habarlady Gúlnafis Aishýaqova.
Osyǵan bailanysty aýdan ortalyǵy – Qulsary qalasynda úsh qabyldaý pýnkti ashyldy. Bul – №1, 8 jáne 18-orta mektep ǵimarattary.
«Qaraǵai eldi mekeninen qabyldaý pýnktterine jetkizetin avtobýstar júredi. Turǵyndardan ózderimen birge jeke bas qujatyn, qajetti zattaryńyzdy (shaǵyn tósek oryn t.b.) alý suralady», - dep málim etti Gúlnafis Aishýaqova.
