QR Kóliktegi bas sanitar dárigeriniń sý kólikterimen serýendeý sharalaryn shekteitin qaýlysy jariialandy, dep habarlaidy "Ult aqparat".
Qujat boiynsha sý kóligin usynatyn nysandar Ashyq jobasyna qatyspaityn bolsa, kater, keme, teplohod, parom siiaqty kólikterdi kólderde, sý qoimalarynda oiyn-saýyq jáne serýendik is-sharalarǵa paidalanýǵa tyiym salyndy.
Al táýekeldiń shekti deńgeii sanalatyn - «qoiý qyzyl» aimaqtaǵy óńirlerde atalmysh kólikterdi demalys kúnderi Ashyq jobasyna qatysýshylar da paidalana almaidy.
Qaýlyda serýendeý is-sharalaryna paidalanylatyn sý kóliginiń ielerine karantindik shekteýge túspeý úshin Ashyq jobasyna ený qajettigi aitylǵan.
«Sý kóligi ielerine oiyn-saýyq jáne serýendeý-ekskýrsiialyq is-sharalar salasynda paidalanylatyn sý kóligin paidalanýǵa tyiym salý boiynsha shekteý sipatyndaǵy qabyldanǵan sharalar týraly túsindire otyryp, sý kóligi obektilerinde Ashyq jobasyn engizý jáne karantindik sharalardyń saqtalýyn baqylaý júrgizilsin», - dep jazylǵan qujatta.
Qaýlynyń tolyq mátinimen myna jerden tanysýǵa bolady.
