Jambyl oblysynda esirtki qylmysynyń aldyn alýǵa baǵyttalǵan "Qarasora – 2026" respýblikalyq jedel-profilaktikalyq is-sharasy aiasynda 71 tonna jabaiy qarasora joiyldy, dep habarlaidy ult.kz.
Polisia.kz-tiń málimetinshe, is-shara barysynda Jambyl oblysy politsiia departamentiniń Delta–Dolina aýdanaralyq esirtki qylmysyna qarsy is-qimyl bóliminiń bazasynda Qazaqstan Respýblikasy IIM Almaty akademiiasynyń kýrsanttaryna tájiribelik sabaq uiymdastyryldy.
Kýrsanttar bólimniń basshylyq quramymen jáne jedel qyzmetkerlerimen kezdesip, esirtki qylmystaryn anyqtaý men jolyn kesýdiń jedel-izdestirý taktikasyn meńgerdi. Sondai-aq bólimniń materialdyq-tehnikalyq bazasymen jáne qyzmet barysynda paidalanylatyn zamanaýi arnaiy tehnikalardyń jumysymen tanysty.
Birlesken is-qimyl josparyna sáikes Shý aýdanynyń qumdy alqabynda ósken jabaiy qarasora shabylyp, keiin órtelip joiyldy.
Nátijesinde jalpy aýmaǵy 110 gektardy qamtyǵan alqaptan 71 tonna jabaiy qarasora joiyldy.
Politsiianyń málimetinshe, mundai is-sharalar esirtkiniń zańsyz ainalymyna tosqaýyl qoiýǵa, sondai-aq esirtki shikizatynyń óńirden tys jerlerge tasymaldanýyna jol bermeýge baǵyttalǵan.
