1-2 kýrs stýdentteri men magistranttar sabaqty 1 qyrkúiekte bastaýǵa mindetti emes. Bul týraly bilim jáne ǵylym vitse-ministri Qýanysh Erǵaliev málimdedi, dep habarlaidy Sputnik Qazaqstan.
"Oqý jyly oqý kýrsyna bailanysty bastalady. Máselen, 3-4 kýrs stýdentteri 1 qyrkúiekten bastap keledi. Al 1-2 kýrs jáne magistranttar qyrkúiektiń sońyna deiin sabaqty bastai alady. Barlyǵy ýniversitettiń akademiialyq kúntizbesine sai bolýy shart", - dedi Erǵaliev ortalyq kommýnikatsiialar qyzmetinde ótken onlain brifingte.
Onyń aitýynsha, oqýdy aralas formatta da uiymdastyrýǵa bolady. Atap aitqanda, dáristerdi onlain rejimde, al seminarlyq, zerthanalyq jáne praktikalyq sabaqtar oflain formatta ótkiziledi.
"Al qashyqtan oqytý formaty erekshe bilim alý qajettiligi bar jáne táýekel toptaryna kiretin stýdentterge qatysty qoldanylýy múmkin", - dep túsindirdi vitse-ministr.
Ýniversitet aýmaǵyna, sonyń ishinde oqý korpýstaryna, kitaphana men jataqhanalarǵa Ashyq arqyly kirgizedi. Betperde rejimi de saqtalýy shart.
"Aita keteri, stýdentterden PTR-test talap etýge bolmaidy", - dep túiindedi Erǵaliev.
