Stýdentter mindetti túrde Ashyq qosymshasyn paidalanýy kerek. Bul týraly búgin Úkimet otyrysynda QR Densaýlyq saqtaý ministri Aleksei Tsoi aitty, dep habarlaidy "Ult aqparat".
«JOO men kolledjderdiń dástúrli oqytý formatyna kóshýi kezinde turaqty meditsinalyq qarsy kórsetilimderi bar, saýyqqannan keiin úsh ai ishinde aýyryp jazylǵan adamdardy qospaǵanda, pedagogter men qyzmetkerlerdi, jataqhanalar men ashanalar personalyn, 18 jastan asqan stýdentterdi 100 paiyz vaktsinalaýdy qamtamasyz etý qajet. Koronavirýs infektsiiasy taralýynyń aldyn alý maqsatynda oqý oryndaryna, kitaphanalarǵa jáne jataqhanalarǵa kirgen kezde mindetti túrde Ashyq qosymshasyn paidalaný kerek», - dedi ministr.
Buǵan qosa Aleksei Tsots sanitariialyq-epidemiiaǵa qarsy is-sharalardy saqtaý jáne jataqhanalarda turý jaǵdailaryna baqylaýdy kúsheitý, buqaralyq is-sharalar ótkizýge tyiym salý qajettigin basa aitty.
«Osyǵan bailanysty oblystardyń, Nur-Sultan, Almaty jáne Shymkent qalalarynyń ákimdikteri monitoringilik toptardyń jumysyn, qajetti dezinfektsiialaý quraldary men sanitaizerlerdiń qoryn ýaqytyly satyp alýdy uiymdastyryp, qamtamasyz etýi, oqý korpýstary men jataqhanalardyń daiyndyǵyn jáne Ashyq qosymshasyn paidalanýdy qamtamasyz etýi qajet», - dedi ol.
