Aqmola oblysynyń Stepnogor qalasynda dańqty palýany Qajymuqan Muńaitpasovqa eskertkish ornatyldy. Bul týraly qala ákimi Erkebulan Baiahmetov Facebook paraqshasynda jazdy.
Stepnogor qalasynyń 55 jyldyǵyn merkeleý sheńberinde Sport saraiynyń alynda ornatylǵan eskertkishtiń ashylýyna qala ákimi Erkebulan Baiahmetov, Aqmola oblystyq máslihatynyń hatshysy Álibek Baimaǵambetov jáne músinniń avtory - Qazaqstan sýretshiler odaǵynyń múshesi, professor Azat Baiarlin qatysty.
Eskertkish granitten jasalǵan. Qola músinniń biikti - 2,5 metr, postamentimen qosqanda jalpy biiktigi 4 metrdi quraidy. Salmaǵy - 23,5 tonna.
Eskertkishtiń ashylýynan keiin qazaq kúresinen respýblikalyq jarys, kross-kantri «STCROSS» velojarysy uiymdastyryldy.
Sonymen qatar qalanyń 55 jyldyǵyna orai, 5-shi shaǵyn aýdanda balalardyń sport-oiyn alańy ashyldy. Joba «Rýhani jańǵyrý» baǵdarlamasy jəne Jastar jyly aiasynda júzege asyrylyp otyr.
«Sporttyq-oiyn alańy qala jastary men búldirshinderdiń demalyp, bos ýaqytyn ótkizý úshin qajetti kerme, átkenshek siiaqty qural-jaraqtarmen jabdyqtalǵan. Sondai-aq voleibol oinaýǵa arnalǵan alańda qarastyrylǵan», - dep jazdy qala ákimi Erkebulan Baiahmetov óz paraqshasynda.
Aita ketsek, 2014 jyly Astananyń irgesindegi Qajymuqan aýylynda aty ańyzǵa ainalǵan palýan Qajymuqan Muńaitpasulyna eskertkish ornatylǵan bolatyn.
