Qazaqstanda júlde qory 12 mln teńge bolatyn kibersporttan týrnir jariialandy, dep habarlaidy "Ult aqparat" pinger.kz-ke silteme jasap.
Elimizde tótenshe jaǵdai rejiminiń jariialanýyna qaramastan habardar bolý, sabyrlyq pen gigiena saqtaýmen qatar úide bos ýaqytta kóńildi ótkizý koronavirýsqa qarsy basty qarý sanalady. Úide ýaqytty kóńildi ótkizýge júlde qory 12 mln teńge bolatyn Alaman #StayHome kibersport týrniri kómektese alady. Osynaý týrnir aiasynda Qazaqstannyń Kibersport federatsiiasy #StayHome – «Úide qal» heshtegin nasihattaýda.
«Osy heshtegpen biz indet áserin tigizip otyrǵan qashyqtan oqý, jumys isteý jáne tirshiliktiń basqa da salalary týraly sóz etýdi josparlap otyrmyz. Munyń barlyǵy týrnirdiń bas seriktesi «Qazaqtelekom» AQ-nyń Ultra tariftik josparymen ońtaily qabysyp jatyr. Atalǵan tariftik jospar aiasynda abonentterge ADSL tehnologiiasy boiynsha 200 Mbit/s-tan 500 Mbit/s jáne 8 Mbit/s-qa deiin jyldamdyq alýǵa múmkindik beretin FTTH tehnologiiasy boiynsha 4 túrli toptama usynylady»,- delingen taratylǵan aqparatta.
