Shyǵys Qazaqstan oblysynda memlekettik baǵdarlama arqyly baspana alyp beremin dep 25 adamdy aldap, 186 mln teńgeden astam shyǵyn keltirgen kúdikti ustaldy, dep habarlaidy ult.kz.
Polisia.kz málimetinshe, 30 jastaǵy er adam 2024 jyldyń qarashasynan 2026 jyldyń sáýirine deiin azamattarǵa páterlerdi tiimdi baǵamen usynyp, qujattardy rásimdeýge kómektesýge ýáde bergen. Ol jábirlenýshilerden qolma-qol aqsha alyp, bank shottaryna aýdarym jasatqan.
Alaiaq aqsha alǵannan keiin turǵyn úidi tirkeý, qujattardy rásimdeý siiaqty qosymsha shyǵyndar qajet ekenin aityp, qaita-qaita aqsha talap etken. Tipti adamdardy aldaý úshin páter jaldap, ony bolashaq baspana retinde kórsetken.
Alaida jábirlenýshiler ýáde etilgen páterge de, qujattarǵa da qol jetkize almaǵan.
Kúdikti ustalyp, ýaqytsha ustaý izoliatoryna qamaldy. Jaýap alý kezinde kinásin moiyndaǵan.
