Dúniejúzilik densaýlyq saqtaý uiymynyń tirkeýinen ótpegen vaktsinany saldyrǵan adamdar qarasha aiynan bastap AQSh aýmaǵyna kire almaidy. DDSU maquldamaǵan vaktsinalar arasynda reseilik "Spýtnik V" te bar, dep jazady Azattyq.
Buǵan deiin halyqaralyq uiym "Spýtnik V" ekpesin shyǵaratyn zaýyttardyń birin tekserý kezinde óndiris erejesi buzylǵanyn anyqtap, maquldaý protsesin shegergen.
Amerikalyq Washington Post basylymynyń jazýynsha, "Spýtnik V" álemniń 70 elinde maquldanǵan, onda 4 milliardtan astam halyq turady. Reseilik preparattyń shamamen 448 mln dozasy álem elderine satylǵan.
Qazaqstan aqpan aiynan bastap halyqqa "Spýtnik V" ekpesin salyp jatyr. Dári-dármek Reseiden ákelingen shikizat negizinde Qaraǵandy zaýytynda óndiriledi.
Densaýlyq saqtaý ministrligi "Spýtnik V"-ti eldegi negizgi ekpe retinde kóredi. Qazaqstanda onan basqa otandyq QazVac, qytailyq Sinopharm kompaniiasynyń BAÁ-de óndirilgen Hayat-Vax jáne Qytaida óndirilgen Vero Cell, sonymen birge Sinovac kompaniiasynyń CoronaVac ekpesi qoldanylady.
