Qaznet qoldanýshylary COVID-19 qarsy «Spýtnik-V» vaktsinasy ataýynyń paida bolýy týraly teoriialardy alǵa tartýda. Olardyń pikirinshe, preparatpen egilgenderdi jerserikter arqyly baqylaitynyn bildiredi. Bul - jalǵan, dep habarlaidy stopfake.kz saity.
Reseilik «Spýtnik-V» vaktsinasy – álemde alǵashqy bolyp tirkelgen COVID-19 qarsy ekpe. Ol jerdiń alǵashqy jasandy jerserigi «Spýtnik-1»-diń qurmetine ataldy. Jerserik KSRO-da 1997 jyly 4 qazanda iske qosylǵan.
Ekpe ataýdaǵy V árpi jeńis degen sózdi bildiredi jáne COVID-19 aýrýyn jeńýdiń belgisi bolyp tabylady. Vaktsinatsiialanǵan adamdardy baqylaý – vaktsinalarda belgili bir mikrochipter bar degen jalǵan boljamnan týyndaǵan qastandyq teoriiasy. Bul týraly biz birneshe ret jazǵan bolatynbyz.
Habarlamada aitylǵan «Spýtnik-V» quramynda adam jasýshalary bar degen pikir de durys emes. Vaktsinany jasaýshylar preparat quramynda adamnyń da, janýardyń da jasýshalary joq ekenin málimdegen bolatyn.
Sondai-aq, feik aqparatta KVI qarsy taǵy bir vaktsina – Moderna-ny óndirýshiler adamdardy chipteitinderin moiyndaǵany aitylǵan. Biz bul jalǵan málimdemeni buǵan deiin taldaǵan bolatynbyz.
Demek, vaktsinatsiialanǵan adamdardy jerserikterdiń kómegimen baqylaityny týraly teoriialar durys emes. KVI qarsy vaktsina álemdegi alǵashqy jasandy jerseriginiń qurmetine atalǵan, óitkeni ol da osy aýrýdyń aldyn alýǵa arnalǵan dári-dármektiń ishinde álemde birinshi bolyp tirkelgen.
