Búgin tańerteń qazaqstandyq tanymal sport jýrnalisi jáne kommentator Dias Omarov ómirden ozdy, dep habarlaidy QazAqparat.
Dias Omarov 1940 jyldyń 20 qazanynda dúniege kelgen. Qazirgi Ál-Farabi atyndaǵy Qazaq ulttyq ýniversiteti filologiia fakýltetiniń jýrnalistika bólimshesinde bilim alǵan. 1966 jyldan Qazteleradionyń sport komentatory bolǵan. Al 1998 jyldan «Habar» telearnasynda sport kommentatory retinde jumys istegen.
«Dias aǵanyń ómirden ozǵandyǵy týraly qaiǵyly habar tosynnan boldy. Óitkeni, jasy birazǵa kelgenine qaramastan ol sporttyq ómir saltyn ustanyp jáne de aptasyna birneshe ret kóptegen dostarymen bas qosyp, súiikti fýtbolynda dop qýalaityn edi. №1 sporttyń kóptegen jankúierleri ony fýtboldyń arqasynda bildi.
Dias Omarovtyń ákesi - kórnekti memleket jáne qoǵam qairatkeri, soǵys jyldarynda eń jas saýda halyq komissary, keiinen Qazaqstan Kompartiiasy Ortalyq komitetiniń hatshysy jáne Mádeniet ministri bolǵan, ashqursaq balalyq shaqty bastan keshirgen Iliias Omarov balalarynyń shymyr bolyp óskendigin qalap, úlken ulyn fýtbolǵa alyp kelgen eken», - dep eske alady Qazaqstannyń sport baspasóz qyzmeti qaýymdastyǵynyń prezidenti Iliias Omarov.
