Ilon Masktiń SpaceX kompaniiasyna tiesili Dragon ǵarysh kemesin ushyrý keiinge qaldyryldy, dep habarlaidy BBC agenttigi.
Eki ǵaryshkerdi alyp Halyqaralyq ǵarysh stansatyna attanatyn keme ushyrylymy aýa raiynyń qolaisyzdyǵyna bailanysty keiinge shegerildi. Ekinshi ret ushyrý ýaqyty senbi, 30 mamyrǵa belgilengen.
Bastapqyda, ushyrý 28 mamyrda elorda ýaqytymen saǵat 02:33-ke belgilengen edi. Osy ýaqyt saqtalmasa, ǵarysh kemesi HǴS-men túiise almaidy. Óitkeni stansa Jer betin saǵatyna 27 myń shaqyrym jyldamdyqpen ainalyp ushady.
Dragon ǵarysh kemesin Falcon 9 zymyran tasyǵyshy AQSh-tyń Florida shtatyndaǵy Kennedi ǵarysh ortalyǵynyń LC-39A start alańynan alyp ushýy tiis bolatyn.
Kompaniianyń alǵashqy ǵarysh kemesi Dragon-dy ushyrý jáne oǵan ázirleý sáti SpaceX pen NASA saittarynda jáne áleýmettik jelidegi paraqshasynda tórt saǵat buryn tikelei rejimde kórsetile bastaǵan edi.
Ekipaj múshesi Dýglas Herli men Bob Benken buǵan deiin eki ret ǵarysh missiiasyna qatysqan. Olardyń jubailary da NASA astronavty.
