Tuńǵysh ret Qorqyt ata atyndaǵy Qyzylorda memlekettik ýniversitetinde QR JOO arasynda «Eń daryndy bolashaq jýrnalist» taqyrybynda dástúrli pándik olimpiada ótýde. Jyl saiynǵy dástúrli olimpiadanyń maqsaty – eń talantty jáne básekege qabiletti ámbebap jýrnalisterdi daiarlaý.
Daryndylardy daralaityn, talanttylardy eksheitin bilim báigesine elimizdiń túkpir-túkpirinen jalpy 13 komanda baq synaýǵa kelgen. Baiqaýda qatysýshy komanda músheleri men oqytýshylary úshin Qorqyt Ata atyndaǵy Qyzylorda memlekettik ýniversitetiniń bazasymen tanysý sapary ótti. Sonyń aiasynda «Fizika-himiialyq taldaý ádisteri» injenerlik beiindegi zerthana jumysy kórsetildi.
«Fizika-himiialyq taldaý ádisteri» injenerlik beiindegi zerthanasy Qazaqstan Respýblikasynyń Prezidenti N.Á. Nazarbaevtyń ǵylym men joǵary bilimdi integratsiialaý maqsatynda aimaqtarda osyndai zerthanalardy ashý týraly usynysyn júzege asyrý aiasynda 2009 jyly quryldy. Zerthana qyzmetiniń negizgi baǵyttary, maqsaty jáne mindetteri - tehnikalyq jáne paidalaný sipattamalary boiynsha álemdik standarttarǵa sáikes keletin zamanaýi zertteý keshenin qoldaný arqyly tabiǵi jáne tehnogendi shikizatty óńdeý aimaǵyndaǵy ǵylymi zertteýlerdiń deńgeiin joǵarylatý, zamanaýi ǵylymi qondyrǵylarmen jabdyqtalǵan zerthana negizinde biliktiligi joǵary kadrlar men mamandar (stýdentter, magistranttar, PhD doktoranttar) daiyndaýǵa qatysý, sonymen qatar saraptamalyq zertteý jumystaryn júrgizý, ǵylymi qondyrǵylardy paidalaný arqyly mekemelerge basqa da aqyly qyzmet túrlerin kórsetý jáne bilim men tehnologiialardy kommertsiializatsiialaý múmkindigin qamtamasyz etý.
Aita ketelik, bul doda jýrnalistika mamandyǵynyń sapasyn arttyrýdy, talantty da bilimdi, úzdik stýdentterdi anyqtaýdy jáne stýdentterdiń ózindik oi-kózqarasyn qalyptastyrý men kreativti oilaý qabiletin arttyrýdy, jýrnalistik sheberlikterin damytýdy, sondai-aq, aqparat ǵasyryna beiimdelgen bolashaq jýrnalisterdiń jańa mediany meńgerý deńgeiin baiqaýdy jáne qoǵamdyq pikirge ún qosa bilýge jáne ózekti máselelerdi taldaýǵa úiretýdi kózdeidi.
Atalmysh olimpiada 2 kezeńnen turady. Alǵashqy kezeńde qatysýshylar ózderin tanystyrsa, artynsha berilgen taqyryp boiynsha esse jazdy. Al, 2 kezeńde aldymen jýrnalistikanyń negizgi pánderi boiynsha test tapsyryp, «Jedel aqparat» bóliminde berilgen taqyrypty tushymdy etip jaza bilip, saittarǵa ornalastyrýy tiis.
«Kereký kúni» toby
