Qostanaida sot sottalýshyǵa koloniia qyzmetkerine shabýyl jasaǵany úshin tótenshe qaýipsizdik koloniiasynda jazasyn óteý týraly úkim shyǵardy, - dep habarlaidy Tengrinews.kz.
Oqiǵa biyl qańtarda Qostanaidaǵy "ÝK-161/2 mekemesi" RMM qatań rejimdegi koloniianyń tigin tsehynda bolǵan. Koloniia qyzmetkeri sottalýshy ári brigadir bolyp jumys istegen Aleksandr Rýbchikovke tártipsizdik jasaǵany úshin eskertý jasaǵan. Is materialdaryna sáikes sottalýshy balǵamen sottalǵandardyń jumysyn uiymdastyrý bóliminiń bastyǵynyń denesi men basyna birneshe jaraqat salǵany belgili boldy. Prokýror 10 jylǵa bas bostandyǵynan aiyrý jazasyn taǵaiyndaýdy surady, biraq sot odan az taǵaiyndady, sottalýshy endi jazasyn qatań jaǵdaida óteidi.
"Sot 7 jyl 6 ai bas bostandyǵynan aiyrý jazasyn taǵaiyndady. Burynǵy jazalardy eskere otyryp, tótenshe qaýipsizdik qylmystyq-atqarý júiesi mekemesinde 8 jyl merzimin óteý jazasy taǵaiyndaldy", - dep habarlady Qostanai oblystyq sotynyń baspasóz qyzmeti.
Er adam buryn zorlaý áreketi úshin úsh jyl toǵyz aiǵa bas bostandyǵynan aiyrylǵan edi. Endi ony "Qara búrkitke" jiberedi, onda qaýipti qylmyskerler, sonyń ishinde ómir boiyna bas bostandyǵynan aiyrý jazasy taǵaiyndalǵandar jazasyn óteidi. Aleksandr Riabchikovtyń sot úkimine shaǵymdanýǵa áli ýaqyt bar, sondyqtan ázirshe ol qaýipsizdik mekemesinde bolady. Úkim áli zańdy kúshine engen joq.
