Sońǵy táýlikte Qazaqstanda koronavirýs infektsiiasynan 10 adam qaitys boldy. Bul týrly Densaýlyq saqtaý ministri Aleksei Tsoi málim etti, dep habarlaidy QazAqparat.
«Ótken táýlikte 10 patsient koronavirýs infektsiiasynan, 20 patsient pnevmoniiadan qaitys boldy. Statistika tolyqqandy jariialanyp keledi. Qazir biz birikken statistikaǵa kóshtik, iaǵni simptomdy ári simptomsyz adamdar birge kórsetiledi. Bul, óz kezeginde elimizdegi naqty jaǵdaidy túsiný úshin kerek. Koronavirýsqa shaldyqqan ár adam indetti basqalaryna juqtyrýy múmkin. Bizdiń maqsat - qalyptasqan jaǵdaiǵa durys baǵa berý», - dedi A.Tsoi Ortalyq kommýnikatsiialar qyzmetinde.
Onyń sózine qaraǵanda, pnevmoniia jaǵdailaryna tiisti monitoring jasalýda.
«Biz pnevmoniia jaǵdaiyna monitoring júrgizýdemiz. Sońǵy táýlikte elimiz boiynsha 1 247 osyndai jaǵdai anyqtaldy. Sáikesinshe, olarǵa qatysty tiisti terapiiany qamtamasyz etýdemiz», - dedi ministr.
