«Soiýz-FG» tasymaldaýshy zymyrany Gagarin atyndaǵy №1 start alańyna turǵyzyldy. Ol «Soiýz MS-15» basqarylatyn kemesin alyp ushady, dep habarlaidy "Ult aqparat".
Roskosmos baspasóz qyzmetiniń málimdeýinshe, alǵashqy start kúniniń baǵdarlamasy aiasyndaǵy jumystar bastaldy, mamandar sońǵy tehologiialyq operatsiialardy júrgizip jatyr. «Soiýz-FG» tasymaldaýshy zymyranynyń júieleri men agregattaryn ushar aldynda tekserip alý synaqtary bastaldy.
Zymyrandy start alańyna shyǵarý protsedýrasyn kórý úshin «Roskosmos» basshylyǵy, ǵaryshkerlerdiń otbasy músheleri, ǵarysh agenttikteri men ǵarysh-zymyran salasyndaǵy kásiporyndardyń ókilderi, jýrnalister, týrister keldi.
Aldaǵy start «Soiýz-FG» zymyrandarynyń sońǵy – jetpisinshi ushýy bolmaq. Budan tys, zymyran Halyqaralyq ǵarysh stantsiiasyna Birikken Arab Ámirlikteriniń tuńǵysh ǵaryshkerin aparady. Sodan keiin «Gagarin starty» jańǵyrtý úshin jabylady.
Jospar boiynsha, «Soiýz-FG» 2019 jylǵy 25 qyrkúiek kúni Nur-Sultan ýaqytymen 19 saǵat 57 minýt 43 sekýndta ushady.
Eske salaiyq, negizgi ekipaj: reseilik ǵaryshker Oleg Skripochka, amerikalyq Djessika Meir jáne BAÁ ókili Hazzaa ál-Mansýriden turady. Olardyń dýblerlary - Sergei Ryjikov, Tomas Marshbiorn jáne Sultan ál-Neiadi.
